our president

Mesage from President

बन्दीपुर केवलकार एण्ड टुरिजम लिमिटेडका सातौँ साधारण सभाका प्रमुख अतिथिज्यू, विशिष्ट अतिथिज्यूहरु, अतिथिज्यूहरु, कम्पनीका निर्देशकज्यूहरु, OCU समूह, जग्गादाताज्यूहरु, पत्रकार मित्रहरु, उपस्थित शेयरधनीहरु र कर्मचारीहरुप्रति हार्दिक अभिवादन व्यक्त गर्दछु र कम्पनीका तत्कालीन निर्देशक दिवंगत स्वर्गीय राम प्रसाद शर्मा प्रति भावपूर्ण श्रद्धाञ्जली अर्पण गर्दछु ।

नेपाल कला, संस्कृति, धार्मिक र ऐतिहासिक विरासतयुक्त देश हो । बन्दीपुर नेपाली पहिचानलाई अभिव्यक्त गर्ने ऐतिहासिक गन्तव्य हो । पहाडकी रानी उपमाले प्रसिद्ध यसको महिमा संसारभरका पर्यटकहरुका लागि सुप्रचारित छ । हरेक पर्यटकीय गन्तव्यहरुले ऐतिहासिक विरासतको मौलिक विकास गरेर यसको सौन्र्दयता र महिमामार्फत् समाज विकासको विशिष्टतालाई चित्रण गर्नु पर्दछ भन्ने कम्पनी दृष्टिकोण हो । तसर्थः बन्दीपुरको पर्यटनलाई नयाँ शिराका साथ आधुनिक ढङ्गबाट संसारभरिका पर्यटकलाई आकर्षित गर्न आधुनिक पर्यटन पूर्वाधारहरुको जरुरत पर्दछ । त्यसको आपूर्ति बन्दीपुरमा बनिरहेको, “पर्यटन पूर्वाधारयुक्त केवलकार परियोजना” को निर्विकल्प एजेण्डाले मात्र गर्दछ। यो परियोजना दक्षिण एसियाकै आश्चर्यजनक पर्यटकीय पूर्वाधारको श्रेणीमा भिन्न र अनुपम छ ।