बन्दीपुर केवलकार परियोजना

बन्दीपुर ऐतिहासिक, पुरातात्तिक, कला, संस्कृति र धार्मिक सम्पदाले भरिपूर्ण पहाडकी रानी उपमाले प्रसिद्व छ । प्रचारको दृष्टिकोणबाट ओझेलमा परेको साक्षात तरवार रुपी देवी खड्गदेवी मन्दिर संसारभर अलग्गै गाथा र महिमा बोकेको महत्वपूर्ण शक्तिपीठ रहेको छ । केही समय जमिन छाडेपछि दर्शन गर्यो भने इमानदार र सत्यको बाटो प्राप्त गर्ने वरदान पाइन्छ भन्ने विश्वास रहेको छ । विशेष गरी वर्षमा दशैंको समयमा सप्तमी र अष्टमीको दिन मन्दिर खुल्ला हुने गर्दछ । प्रायः जसो दशैंमा पिङ्ग खेल्ने गर्छन् । सो समयमा मन्दिर दर्शन गर्दा सबैलाई फल मिल्छ भन्ने र्धािर्मक विश्वास रहेको छ । यसकारण सीमित समय मात्र वर्षको २ दिन मन्दिर खुल्ला गरिने गरिएको छ । केवलकार बनेपछि मन्दिर नियमित दैनिक खुल्ला गराउने एवं दर्शनार्थीलाई दर्शनकालागि नियमित ढोका खोलिदिने अभिप्रायले केवलकार कम्पनीले मन्दिर व्यवस्थापन समितिसँग मिलेर ठोस योजना बनाउँदै छ । व्यवसायिक पर्यटकीय गतिविधि मुख्य बजारको रुपमा हुदाँहुँदै पनि सहायक रुपमा धार्मिक पर्यटकहरुलाई आकर्षित गराई शुद्धमनले दर्शन गराई पर्यटन प्रवद्र्धन योजनाका साथ परियोजनालाई उपयोगमा लगाइनेछ । यसको काम अन्तिम गन्तव्यतर्फ लागेको छ । मुख्य गरी तेश्रो मुलकका पर्यटन र अन्य पर्यटनका बहुआयमिक पक्षको अनुपम मज्जा दिने र बन्दीपुरको पर्यटनको संवर्धन एवं प्रर्वद्धन गर्ने र धार्मिक गन्तव्यको फ्युजनको रुपमा स्थापित गर्न मुख्य एजेण्डा पर्यटन पूर्वाधारयुक्त केवलकार परियोजना प्रमुख साधन बन्छ भन्ने आम बुझाई स्थापित भइसकेको छ । अब बन्दीपुरमा प्राकृतिक, ऐतिहासिक, पुरातात्विक, कलात्मक संस्कृतिको अवलोकन गरी नवीन मज्जा लिन सकिन्छ । खड्ग देवी, थानीमाई मन्दिर, तीन धारे महादेव लगायतका धार्मिक शक्तिपीठ एवं देवालयहरुको एकै ठाउँमा दर्शन गर्न सकिने धार्मिक संयोग प्राप्त गर्न सकिन्छ। यसले केवलकार निर्माणको योजनालाई झन् सार्थकता बनाएको छ । यो “पर्यटन पूर्वाधारयुक्त केवलकार गुरुयोजना हो र सर्वाङ्गीर्ण पर्यटनको आधार शिला हो ।”

2

Offices

10+

Featured INVESTMENTS

2 Arba 50 Crore

ASSETS UNDER MANAGEMENT